| byz | |
|---|---|
| 1. | και οτε ηνοιξε την σφραγιδα την εβδομην εγενετο σιγη εν τω ουρανω ως ημιωριον |
| 2. | και ειδον τους επτα αγγελους οι ενωπιον του θεου εστηκασι και εδοθησαν αυτοις επτα σαλπιγγες |
| 3. | και αλλος αγγελος ηλθε και εσταθη επι του θυσιαστηριου εχων λιβανωτον χρυσουν και εδοθη αυτω θυμιαματα πολλα ινα δωση ταις προσευχαις των αγιων παντων επι το θυσιαστηριον το χρυσουν το ενωπιον του θρονου |
| 4. | και ανεβη ο καπνος των θυμιαματων ταις προσευχαις των αγιων εκ χειρος του αγγελου ενωπιον του θεου |
| 5. | και ειληφεν ο αγγελος τον λιβανωτον και εγεμισεν αυτον εκ του πυρος του θυσιαστηριου και εβαλεν εις την γην και εγενοντο βρονται και φωναι και αστραπαι και σεισμος |
| 6. | και οι επτα αγγελοι οι εχοντες τας επτα σαλπιγγας ητοιμασαν εαυτουσ ινα σαλπισωσι |
| 7. | και ο πρωτος εσαλπισε και εγενετο χαλαζα και πυρ μεμιγμενα εν αιματι και εβληθη εις την γην και το τριτον τησ γησ κατεκαη και το τριτον των δενδρων κατεκαη και πας χορτος χλωρος κατεκαη |
| 8. | και ο δευτερος αγγελος εσαλπισε και ως ορος μεγα καιομενον εβληθη εις την θαλασσαν και εγενετο το τριτον της θαλασσης αιμα |
| 9. | και απεθανε το τριτον των κτισματων εν τη θαλασση τα εχοντα ψυχας και το τριτον των πλοιων διεφθαρη |
| 10. | και ο τριτος αγγελος εσαλπισε και επεσεν εκ του ουρανου αστηρ μεγας καιομενος ως λαμπας και επεσεν επι το τριτον των ποταμων και επι τας πηγας των υδατων |
| 11. | και το ονομα του αστερος λεγεται ο αψινθος και εγενετο το τριτον των υδατων εις αψινθον και πολλοι των ανθρωπων απεθανον εκ των υδατων οτι επικρανθησαν |
| 12. | και ο τεταρτος αγγελος εσαλπισε και επληγη το τριτον του ηλιου και το τριτον της σεληνης και το τριτον των αστερων ινα σκοτισθη το τριτον αυτων και η ημερα μη φαινη το τριτον αυτης και η νυξ ομοιως |
| 13. | και ειδον και ηκουσα ενος αετου πετομενου εν μεσουρανηματι λεγοντος φωνη μεγαλη ουαι ουαι ουαι τοισ κατοικουσιν επι της γης εκ των λοιπων φωνων της σαλπιγγος των τριων αγγελων των μελλοντων σαλπιζειν |